ब्रेकिंग न्यूज जळगाव जळगाव जिल्ह्यातील भडगाव शहरात हृदयद्रावक घटना शाळेलगतच्या नाल्यात बुडून नर्सरीतील दोन चिमुकल्यांचा मृत्यू; शाळेच्या हलगर्जीपणावर गंभीर प्रश्न Anchor : जळगाव जिल्ह्यातील भडगाव येथील आदर्श कन्या इंग्लिश मीडियम स्कूलमध्ये आज सकाळी अत्यंत दुर्दैवी आणि हादरवून टाकणारी घटना घडली. शाळेतील नर्सरी वर्गात शिकणाऱ्या दोन चिमुकल्या विद्यार्थ्यांचा शाळेलगत असलेल्या नाल्यात बुडून मृत्यू झाला. मृत विद्यार्थ्यांमध्ये अंश सागर तहसीलदार (वय ३ वर्षे ६ महिने, रा. आदर्श कॉलनी, भडगाव) आणि मयंक ज्ञानेश्वर वाघ (वय ४ वर्षे २ महिने, रा. बालाजी गल्ली, भडगाव) यांचा समावेश आहे. हे दोन्ही विद्यार्थी नर्सरी वर्गात शिकत होते. खेळताना किंवा वर्गाबाहेर असताना ते शाळेच्या संरक्षक भिंतीजवळ गेले. याचवेळी अचानक तोल गेल्याने दोघेही थेट शाळेलगतच्या नाल्यात कोसळले. नाल्यात पाणी असल्याने दोघेही बुडाले. काही वेळानंतर मृतदेह पाण्यात फुगलेल्या अवस्थेत दिसून आल्यानंतर ही भीषण घटना उघडकीस आली.